«Атлетико» бош мураббийи Диего Симеоне Ла Лига 22-тури доирасида «Сельта»га қарши баҳс (2:2) ҳақида ўз фикрлари билан ўртоқлашди.

«Баҳснинг 2:2 ҳисобида тугаганини адолатли натижа деб ҳисоблайман. Дурангга мос ўйин бўлди. Рақиб биринчи бўлимни анча фаол ўтказди.

Танаффусдан сўнг мен тактикани ўзгартирдим, ўйинда ўсиш сезилди. Биз биринчи бўлимда гол уришга ҳақли эмасдик, шу ўринда рақибга ҳам иккинчи бўлимда гол уришига имкон бермаслигимиз керак эди», - дейди Симеоне.

Эслатиб ўтамиз, «матрасчилар» турнир жадвалида 51 очко тўплаб энг яқин таъқибчисидан 8 очкога олдинда бормоқда.