Арсен Венгер Тьери Анрининг Европа Чемпионлар Лигаси ўйинларига заявка қилинишини тасдиқлади.
- Анри Чемпионлар Лигасида майдонга тушади, - деди Венгер, - у Миланда “Интер” дарвозасини уч бор аниқ нишонга олган. Тажрибали футболчини таркибга киритиш мантиқан тўғри бўларди.
Эслатиб ўтамиз, Анри лондонликлар сафига илк бор 1999 йилда, “Ювентус”дан келиб қўшилганди. Саккиз йиллик фаолияти давомида ҳужумчи 226 та гол киритган, 2005/06 мавсумда ЕЧЛ финалида ўйнаган. Кейинчалик у “Барселона” кетди ва 2009 йилда клуб сафида ЕЧЛ ғолибига айланди.