«Барселона» ҳужумчиси Лионель Месси ўз клуби билан 2017 йилда янги шартнома имзолагач, қачон солиқ тўлагани маълум бўлди.
Бундан бир неча кун аввал Испаниянинг "El Mundo" нашри «Барса» ва аргентиналик футболчи ўртасида тузилган шартнома маълумотларини ошкор қилган эди. Унга кўра, Месси 4 йил давомида 555 237 619 евро маош олиши кўзда тутилган.
Каталониянинг "El Periódico de Catalunya" газетаси маълумот беришича, Лео сўнгги 4 йил давомида камида 370 млн евро солиқ тўлаган. Шундан 275 млн евроси даромад солиғи сифатида мамлакат ғазнасига ўтказилган. Бундан ташқари, 33 ёшли футболчи қиёфа ҳуқуқи ва рекламадан олган даромадлари учун солиқ тўлаган.
Шу тариқа, Месси ҳар йили ўртача 70 млн евро солиқ тўлайди. Бу сумма ҳар йили ўзгариб туриши мумкин. У Испанияда энг кўп маош тўловчи ҳисобланади.