“Манчестер Юнайтед“ бош мураббийи Оле-Гуннар Сульшер “Молде“да бирга ишлаган “Боруссия Д“ ҳужумчиси Эрлинг Холанд ҳақида гапирди.
“Мен уни кузатяпман. Тахминан, 18 ой бирга ишлаганмиз. Ажойиб даврлар бўлган. У албатта, Норвегияда ҳам, ўзи тўп тепадиган бошқа клубларда ҳам яхши мартабага эга. Эрлинг “Боруссия“да ажойиб муваффақиятларга эришмоқда.
Шунинг учун ҳаммаси қандай тугашини кўрамиз. Мен унинг ҳамюрти ва у билан бирга ишлаган инсон сифатида, унинг жуда яхши ўсиб бораётганидан хурсандман“- дейди Сульшер.
Маълумот ўрнида, норвегиялик футболчи ушбу мавсум Германия Бундеслигасининг 15 учрашувида 14 гол ва 3 голли узатма амалга оширишга муваффақ бўлган.
