Италия чемпионатининг 22-туридан ўрин олган марказий ўйин ҳозиргина якунланди. «Наполи» ўз уйида «Ювентус»ни қабул қилиб, муҳим ғалабани қўлга киритди.

Кутилганидек, учрашувни туринликлар фаол бошлашди. Аммо 31-дақиқада ҳакам видеотакрорни томоша қилгач, "Ювентус" дарвозаси томон пенальти белгилашга қарор қилди. Жарима зарбаси амалга оширилганидан сўнг  Кьеллини ўз жарима майдони ичида қўл билан Раҳмонийнинг юзига урган эди. Инсинье эса пенальтидан ишонч билан фойдаланди.

Шундан сўнг Пирло шогирдлари баҳс давомида устунликни тўлиқ қўлга киритишди. Аммо неаполликлар посбони Алекс Мерет меҳмонларнинг хавфли зарбаларини қайтаришга муваффақ бўлди. Бу кеча "Юве"га омад кулиб боқмоқда.

Натижада "Наполи" ўз очколарини 40тага етказиб, жадвалда 4-ўринга кўтарилиб олган бўлса, "Ювентус" 42 очко тўплаган ҳолда пешқадам "Милан"дан 7 очко ортда қолмоқда.

Италия А серияси, 22-тур
Наполи – Ювентус 1:0 (1:0, 0:0)
Гол: 1:0 – 31, пенальти Инсинье.
Наполи – Мерет, Ди Лоренцо, Мариу Руй, Максимович, Ррахмани, Политано (Фабиан Руис, 65), Зелиньски (Элмаз, 64), Лосано, Бакайоко, Инсинье (Лоботка, 88), Осимхен (Петанья, 75).
Ювентус – Шченсни, Кьеллини, де Лигт, Данило, Бентанкур (Кулусевски, 72), Куадрадо (Алекс Сандро, 46), Кьеза, Рабьо, Бернардески (Маккенни, 63), Мората, Роналду.
Огоҳлантиришлар: Ди Лоренцо (23), Кьеллини (30), Куадрадо (45), Бакайоко (56), Рабьо (90).