«Барселона» бош мураббийи Роналд Куман Испания чемпонатининг 23-тури доирасида бўлиб ўтган «Алавес»га қарши ўйин (5:1) борасида ўз фикрларини билдириб ўтди.
«Жамоанинг жонбозлиги менга ёқди. Биринчи бўлимда у қадар яхши ўйнай олмадик, аммо ўйинни назорат қилдик. Жамоанинг кейинги ўйини мени қувонтирди.
Бир қанча ўйинчиларга дам олиш имкониятини беришга муваффақ бўлдик. Тринкау қанотда яхши ўйнади, лекин рақиб бўш ҳудудларни яхши ёпди. Рики Пуч кўп жиҳатдан ўсишга эришяпти. Унинг ўзига бўлган ишончи юқори бўлган. У бугун жуда яхши ўйин ўтказди.
Мориба билан эса мен гаплашаман. Узатмаларни кўндалангига бериш керак эмас. Лекин у ҳали ёш, бу хато унга сабоқ бўлади.
Жамоа яхши формада ва ўзига ишонган. «ПСЖ»га қарши баҳс биз учун қулай бўлган даврда бўлиб ўтади. Бу тенг рақибларнинг ўзаро тўқнашуви бўлади», – деди Куман.