“ПСЖ“ ярим ҳимоячиси Марко Верратти Чемпионлар Лигаси 1/8 финалининг “Барселона“га қарши дастлабки учрашувни ўтказиб юбориши мумкин, дея таъкидлайди парижликлар бош мураббийи Маурисио Почеттино.
“Келинг, Вераттининг сешанба куни ўзини қандай ҳис қилишини кўрайлик“- дейди мураббий. Аввалроқ, Франция кубоги доирасида кечган “Кан“га қарши ўйинда (1: 0) Неймар жароҳат олиб, “Барселона“га қарши баҳсни ўтказиб юбориши маълум бўлган эди. Шунингдек, ярим ҳимоячи Анхель Ди Мария ҳам жароҳат сабаб парижликларга ёрдам бера олмайди.
Маълумот учун, Верратти Лига 1 доирасида 15 ўйин ўтказиб, 1 голли узатма муаллифига айланган. Эслатиб ўтамиз, “ПСЖ“ ҳамда “Барселона“ қарама-қаршилиг 16 февраль, сешанба куни бўлиб ўтади.
