Италия чемпионати 17-турида "Лечче" устидан 1:0 ҳисобида ғалаба қозонган "Ювентус" мавсум бошидан буён мағлубиятга учрамаслик бўйича ўз рекордини такрорлашга муваффақ бўлди. Бу ҳақда "Championat.com" интернет-нашри хабар бермоқда.
"Ювентус" 1945/46 ва 1949/50 йилги мавсумларда ҳам мавсум стартидан кейинги 17 учрашувда мағлубият нималигини билмаган.
"Ювентус" 17 тур учрашувларидан сўнг 37 очко тўплагани ҳолда "Милан" билан биргаликда А Серияда пешқадамлик қилмоқда. Жамоа ўзининг энг яқин таъқибчиси - 3-ўриндаги "Удинезе"дан икки очкога илгарилаб кетган.
Антонио Конте шогирдлари 18-турда ўз майдонида "Кальяри"ни қабул қилишади.
