«Атлетико» посбони Ян Облак «Челси» дарвозабони Кепа Аррисабалага ҳақида фикр билдирди.
«Мен Кепани чуқур ҳурмат қиламан. У ажойиб дарвозабон. Айниқса, унинг Испаниядаги ҳаракатлари менга анча манзур бўлган. Ҳозир кўпчилик уни танқид қилмоқда. Бироқ ҳамма ҳам хато қилади.
Мухлислар унга тўланаётган катта суммадан норози. Бироқ ўзига ишониб топширилган иккита ўйинни у қойилмақом ўтказди. Раҳбарият ҳам бежизга унга юқори маош тўламаяпти. Кепа бундай қийинчиликларни енггиб ўтишига ишонаман», - дейди Облак.
