Собиқ француз футболчиси Эрик Кантона 2012 йилда бўлиб ўтадиган Франция Президентлигига сайловларда иштирок этиш учун имзо йиғишга киришди. Бу ҳақда Liberation хабар беради.
Газетада ёзилишича, Кантона француз шаҳарлари мерларига хат билан мурожаат қилган - президантликка унинг номзодини илгари суриш учун камида 500та мансабдор шахснинг имзоси керак бўлади.
Кантона Президент бўлиб сайланган тақдирда мамлакатда ижтимоий тенгсизликкк қарши курашишини ўз мурожаатида ваъда қиляпти.
Франция терма жамоаси ва “Манчестер Юнайтед”нинг собиқ футболчиси ўзининг антиқа қилиқлари билан машҳур. Шунингдек, 2010 йилда барча французларни банклардан омонатларини қайтариб олишга чақириб, унинг фикри бўйича адолатсиз бўлган мамлакатнинг банк тизимини издан чиқаришга уринган эди.