«Манчестер Юнайтед» посбони Дин Хендерсон катта эҳтимол ёзда жамоани тарк этади.
У бу ерда етарли ўйин амалиётига эга бўла олмаётганидан норози. Ҳозирча унга «оғиз солган» клублар рўйхатида «Боруссия Д» ҳамда «Тоттенҳем» номлари мавжуд. Дин келаси мавсум ҳам захира ўриндиғида қолиб кетишни хоҳламайди ва у юқоридаги икки клубдан бирини танлашига тўғри келади.
Эслатиб ўтамиз, Хендерсоннинг «қизил иблислар» билан шартномаси 2025 йилгача мўлжалланган.