"Ювентус" клуби собиқ футболчиси Клаудио Маркизио "кекса синьора" ҳужумчиси Криштиану Роналдунинг устидан кулди.
"Криштиану Роналду рақибларда ҳамиша қўрқув ҳиссини уйғотади. Аммо унинг 25 метр масофадан йўллайдиган жарима зарбалари ҳақида бундай дейиш қийин", – дея ёзди Маркизио Твиттер орқали.
Эслатиб ўтамиз, португалиялик футболчи "Кротоне"га қарши ўйинда 7 дақиқа ичида бош билан иккита гол урди. Аммо Роналду томонидан йўлланган 2та жарима зарбаси муваффақиятсиз чиқди: зарбаларнинг бири жонли деворга теккан бўлса, иккинчисидан сўнг тўп дарвоза устидан ўтиб кетди.
Статистикага кўра, Роналду "Ювентус" футболкасида йўллаган (64та) жарима зарбаларининг учдан икки қисми (42) жонли девордан ўтмаяпти.