Эртанги Ла Лига доирасидаги "Барселона" - "Севилья" ўртасидаги баҳсдан олдин бўлиб ўтган матбуот анжуманини Куман бурнидан қон кетганлиги сабабли эртароқ тарк этди.
"Куман юрак касаллиги сабабли қонни суюлтирувчи дорилар истеъмол қилмоқда, шу сабабли унинг бурнидан тўсатдан қон кетди," - дея хабар бермоқда, испаниялик журналист Хави Мигел.
Ёзда "Барселона" мураббийига айланган нидерландиялик 37 та ўйин ўтказишга улгурди. Уларнинг 24 тасида жамоаси ғалаба қозонган бўлса, 8 та баҳсда унинг шогирдлари мағлубиятга учради, 5 та ўйин эса дуранг билан якунланган.
