"ПСЖ" бош мураббийи Маурисио Почеттино ҳужумчи Килиан Мбаппе сўнгги 15 йилликнинг асосий футбол юлдузлари - Месси ва Роналдунинг ворисига айлана оладими деган саволга жавоб берди.
«У бунинг учун етарлича потенциалга эга. Унга етишмайдиган ягона нарса эса бу вақт. Ҳеч ким жараённи тезлаштира олмайди. Аммо, Килиан аллақачон дунёнинг энг яхши ўйинчиларидан бирига айланган деб ўйлайман. Унга обрў-эътибор қозониш ва муносиб эътирофга эга бўлиш учун вақт керак бўлади», - дейди Почеттино.
Маълумот ўрнида, 2017 йилдан буён парижликлар шарафини ҳимоя қилиб келаётган Мбаппе жорий мавсум Франция чемпионатида 23 ўйин ўтказиб, 18 гол ва 6 голли узатмага муаллифлик қилган.
