"PSJ" bosh murabbiyi Maurisio Pochettino hujumchi Kilian Mbappe so‘nggi 15 yillikning asosiy futbol yulduzlari - Messi va Ronalduning vorisiga aylana oladimi degan savolga javob berdi.
«U buning uchun yetarlicha potensialga ega. Unga yetishmaydigan yagona narsa esa bu vaqt. Hech kim jarayonni tezlashtira olmaydi. Ammo, Kilian allaqachon dunyoning eng yaxshi o‘yinchilaridan biriga aylangan deb o‘ylayman. Unga obro‘-e’tibor qozonish va munosib e’tirofga ega bo‘lish uchun vaqt kerak bo‘ladi», - deydi Pochettino.
Ma’lumot o‘rnida, 2017 yildan buyon parijliklar sharafini himoya qilib kelayotgan Mbappe joriy mavsum Fransiya chempionatida 23 o‘yin o‘tkazib, 18 gol va 6 golli uzatmaga mualliflik qilgan.
