Аргентина футбол уюшмаси раҳбарияти 2012 йилдаги учта ўртоқлик учрашуви бўйича келишувга эришди. Бу ҳақда "Championat.com" интернет-нашри хабар бермоқда.
Аргентиналиклар 29 февраль куни Бернда Швейцария терма жамоаси билан баҳс олиб боришади. Аргентина терма жамоаси 9 июнь куни Нью-Жерсида Бразилия терма жамоасига қарши майдонга тушса, 14 ноябрь куни Ар-Риёдда Саудия Арабистони терма жамоаси меҳмони бўлади.
Аргентина футбол уюшмаси, шунингдек, терманинг Германия терма жамоасига қарши бўлажак 15 августдаги ўйини ҳақида хабар берган. Аммо Германия тарафи ҳали бу хабарни расман тасдиқлагани йўқ.