«Реал» ҳужумчиси Мариано Диас Испания чемпионатининг 25-тури доирасида бўлиб ўтган «Реал Сосьедад»га қарши ўйинда (1:1) жароҳат олди.
Доминиканлик футболчи учрашувни асосий таркибда бошлаб, баҳснинг 61-дақиқасида майдонни тарк этди. Унинг мушаклари жароҳат олди.
Мазкур жароҳат "Реал" учун жорий мавсумдаги қирқ иккинчиси бўлди. Ҳозирда Дани Карвахаль, Серхио Рамос ва Эден Азар лазаретда қолишмоқда. Ҳужумчи Карим Бензема ҳам ҳали тўлиқ соғайиб кетмади. У ҳозирча индивидуал тарзда шуғулланмоқда.
Мариано жорий мавсумда Ла лига доирасида 10та учрашувда майдонга тушиб, битта гол урди.
«Реал» 7 март куни Ла лиганинг 26-тури доирасида «Атлетико»га қарши майдонга тушади.