Хабарингиз бор, билбаоликлар кеча мамлакат кубоги ярим финал босқичида «Леванте»ни мусобақадан чиқариб юборди ва финалга йўлланмани қўлга киритди.
Энди финалда яна бир бор «Атлетик» ҳамда «Барселона» жамоалари тўқнаш келадиган бўлди. Қизиқ томони билбаоликлар 4 ой ичида 3 та титул ютиш имкониятига эга бўлиб турибди. Гап шундаки, ўтган йилги Испнания кубоги жорий йилнинг 3 апрелига қолдирилган эди. Ўша учрашувда «Атлетик»ка «Реал Сосьедад» рақиб бўлиши белгиланган. Шу аснода қисқа вақт мобайнида жамоа бир хил мусобақанинг иккита финалида майдонга тушиш имкониятига эга.
Эслатиб ўтамиз, «Атлетик» январда «Барса» устидан ғалаба қозониб мамлакат суперкубогини қўлга киритган эди.
