Мадриднинг «Реал» клуби марказий ҳимоячиси Рафаэл Вараннинг ёзда жамоани тарк этиш эҳтимоли йўқ эмас.
У раҳбарият билан янги шартнома борасида келиша олмаяпти. Агар француз қисқа муддат ичида бир қарорга кела олмаса «қироллик клуби» иқтисодий танқислик туфайли уни сотиб юборишга тайёр.
Яъни унинг тақдири айни пайтда футболчининг ўзига боғлиқ. У «Реал»да қолиш учун амалдаги битимни узайтириши ва кам миқдордаги маошга кўниши талаб этилади.
Ҳозирча Варанни ўз сафига қўшиб олиш учун «МЮ» кураш олиб бормоқда.
