"Ювентус" жамоасининг собиқ бош мураббийи Массимилиано Aллегри Донетскнинг "Шахтёр" клуби мураббийига айланиши мумкин, дея хабар бермоқда Украина матбуоти.
Манбада айтилишича, томонлар аллақачон музокараларни бошлашган. Донетскликлар Aллегри "Шахтёр"нинг ҳозирги мураббийи Луис Кастро ишдан кетгандан сўнг, жамоани бошқаради деб умид қилмоқда. Эслатиб ўтамиз, португалиялик мутахассис Кастронинг "Шахтёр" билан шартномаси 2021 - йилнинг ёзида якунига етади.
Ҳозирда УПЛ турнир жадвалида "Шахтёр" 36 очко билан учинчи ўринда, етакчи Киевнинг "Динамо"сидан тўрт очко ортда қолмоқда. "Шахтёр" Европа Лигасининг 1/8 финалида эса Италиянинг "Рома" жамоасига қарши баҳс олиб боради.
