"Барселона" етакчиси Лео Месси Каталония клубидаги ўйинлар сони бўйича Хавининг рекордини такрорлаганидан cўнг, таассуротлари билан ўртоқлашди.
«"Барселона" таркибида шунча ўйин ўтказиш мен учун катта шарафдир. Ҳамкасбларимга раҳмат. Чунки улар шу йиллар давомида менга елкадошлик қилишди.
Шунингдек, оилам ва дўстларимдан чексиз миннатдорман. Улар мен билан доимо бирга бўлишди», - деб ёзган Месси ўз Инстаграмида
Қайд этиш жоиз, 33 ёшли ҳужумчида Каталония клуби билан 767 учрашув ўтказиб, 661 гол ва 290 голли узатма муаллифига айланган.
