«Реал» 1/8 финалининг жавоб ўйинида «Аталанта»ни таслим этди (умумий 4-1) ва Чемпионлар Лигаси чорак финалига йўл олди.

Мадрид клубининг собиқ ҳужумчиси Криштиану Роналду тўп тепадиган «Ювентус» эса 1/8 финалда «Порту»га имкониятни бой бериб, турнирни тарк этди. (1:2, 3:2).

Шу тариқа, «Реал» сўнгги уч мавсумда биринчи марта ушбу турнирда Роналдусиз чорак финалга йўл олди.

Португалиялик Чемпионлар Лигасида кетма-кет учта ғалабадан сўнг 2018 йилнинг ёзида «Реал»ни тарк этган эди.

2018/19 йилги мавсумда Испания жамоаси Чемпионлар Лигасининг 1/8 финалида, «Ювентус» эса 1/4 финалда айнан «Аякс» жамоасидан мағлубиятга учраган эди.

2019/20 йилги мавсумда «Реал» 1/8 финалда «Манчестер Сити» га имкониятни бой берди, «Ювентус» эса ўша босқичда Франциянинг «Лион» клубига умумий ҳисобда ютқазган эди.