18 март куни Ўзбекистон Cоcа-Cола кубоги мусобақасининг саралаш ҳамда гуруҳ босқичи учрашувларига қуръа ташланади.
Аввал маълум қилинганидек, мусобақанинг гуруҳ босқичида 24 та клуб иштирок этади. Cоcа-Cола Суперлига ҳамда Про лига клублари гуруҳ босқичида тўғридан-тўғри қатнашади. Чемпионлар лигаси гуруҳ босқичида иштирок этувчи клуб(лар) эса кубок беллашувларига 1/8 финалдан бошлаб қўшилади. Мана шу клуб(лар) бўш қолдирган гуруҳдаги ўрин(лар) учун Биринчи лиганинг 8 жамоаси саралаш босқичи орқали кураш олиб боради.
Саралаш АГМК клубининг 7 апрель кунги халқаро ўйини натижасидан келиб чиқиб, икки ёки уч босқичда ташкил этилади. И босқич ўйинлари 28 март куни ўтказилади ва унда саккиз жамоа қуръа ёрдамида тўрт жуфтлик ҳосил қилади. Бир учрашув натижасига кўра, тўрт ғолиб клуб ИИ босқичга йўлланмани қўлга киритади. Мазкур босқичда тўрт клуб икки жуфтлик ҳосил қилади ва ўйинлар 4 апрель куни бўлиб ўтади.
АГМК 7 апрель куни халқаро ўйинда зафар қучса, ИИИ босқич бекор қилинади ва ИИ босқичнинг икки ғолиб клуби «Пахтакор» ва АГМК ўрнида гуруҳ босқичида қатнашади. АГМК 7 апрель куни мағлуб бўлса, ИИ босқичнинг икки ғолиби 13 апрель куни Ўзбекистон Cоcа-Cола кубоги гуруҳ босқичининг битта йўлланмаси учун ўзаро майдонга чиқади.
Ўзбекистон Cоcа-Cола кубоги саралаш босқичида қуйидаги клублар иштирок этади: «Локомотив-БФК», «Чиғатой», «Рубин», «Нефтгазмонтаж», «Лочин», «Зомин», «Жомбой», «Ғиждувон». Биринчи лигада иштирок этувчи фарм-клублар ҳамда ҳозирга қадар белгиланган талабларни бажариш орқали Биринчи лигадаги иштирокини кафолатлаб улгурмаган клублар, кубок беллашувларига қўйилмайди.
