Ўзбекистон миллий терма жамоасининг 26 март куни Ганага қарши ўртоқлик учрашувини ўтказиши ҳақида хабар берилганди.

Гана футбол ассоциацияси матбуот хизматининг маълум қилишича, Африка жамоаси Тошкентга иккинчи таркиби, яъни Б жамоаси билан ташриф буюради. Асосий жамоанинг 25 март санасида Африка Кубоги саралаши доирасида ЖАРга қарши ўйин ўтказиши таъкидланмоқда.

Гана Б миллий жамоасига фақат маҳаллий чемпионатларда тўп сурадиган футболчилар жалб этилган.

Аввалроқ Ўзбекистон ва Гана (Б) ўртасидаги баҳс Намангандаги «Марказий» стадионда бўлиб ўтиши ҳақида хабар берилганди.

Шунингдек, Ўзбекистон 29 март санасида Ироқ терма жамоаси билан баҳс юритиши режалаштирилган. Мазкур ўйин "Бунёдкор" стадионида бўлиб ўтади.