Франциянинг L’Equipe нашри Германия Бундеслигасининг энг кўп ҳақ оладиган футболчи ва мураббийлари рўйхатини эълон қилди.

Манбага кўра, Германияда энг кўп ҳақ оладиган футболчилар «Бавария» клуби аъзолари саналади. Жамоа ҳужумчиси Роберт Левандовски ва дарвозабон Мануэль Нойер ойига 1,7 миллион евро маош билан Бундеслиганинг энг кўп ҳақ оладиган ўйинчилари бўлиб туришибди.

Топ-5ликдан жой олган қолган ўйинчилар ҳам Мюнхен клуби вакиллари саналади: Лерой Сане – 1,5 млн, Томас Мюллер – 1,3 млн ва Люка Эрнандес – 1,1 млн.

Энг кўп маош оладиган мураббийлар рўйхатини ҳам «Бавария» устози Ҳанс-Дитер Флик бошқармоқда. Немис мутахассиси ойига 580 минг евро маош олади. Иккинчи ўринда Петер Бос («Байер», 0,29 млн) бўлса, учинчи поғонани Юлиан Нагельсманн («РБ Лейпциг», 0,25 млн) эгаллаган.