Ҳуқуқий жиҳатдан "Бунёдкор"га тегишли бўлган ҳимоячи Шавкат Раимқуловга "Машъал" клуби қизиқиш билдирмоқда. Бу ҳақда Муборак клуби расмий сайти хабар бермоқда.
Янги мавсумга "Бунёдкор" сафида тайёргарлик кўришни бошлаган Раимқулов жамоанинг БАА йиғинига олиб кетилмади. Футболчи айни вақтда "Локомотив" машғулотларида қатнашмоқда.
"Бунёдкор" раҳбарияти менга "Машъал"га боришим кераклигини айтди. Чунки чиндан ҳам бу жамоа менга қизиқиш билдирган. Аммо ҳозирча "Локомотив" йиғинида қатнашяпман. Чунки уйим Тошкентда сабабли бу жамоа менга қулай кўринмоқда", дея Шавкат Раимқуловнинг сўзларидан иқтибос келтиради "Машъал" расмий сайти.













