"Барса" кимдандир воз кечишига тўғри келади.

"Барселона" Лионел Месси жамоада қолса, Дортмунднинг "Боруссия" клуби ҳужумчиси Эрлинг Xоландни сотиб ололмайди.

Mundo Deportivo хабарига кўра Каталония клубининг ҳозирги молиявий ҳолати ҳам норвегияликни сотиб олишга ва ҳам аргентиналикни жамоада сақлаб қолишга имкон бермайди.

20 ёшли ҳужумчини сотиб олиш учун сарфланадиган маблағ 125-130 миллион еврога баҳоланмоқда.

Жорий мавсумда Холанд "Боруссия" таркибида 31 учрашув ўтказди ва 33 гол урган ҳолда, 8 голга узатма амалга оширди.

33 ёшли Месси эса ушбу мавсум 37 ўйинда майдонга тушиб, 29 гол ва 13 ассист муаллифига айланди.