Transfermarkt портали Англия Премьер Лигаси футболчилари трансфер қийматини янгиланган рейтингини эълон қилди.

«Манчестер Сити» энг қиммат таркибга эга клуб бўлиб қолмоқда. «Шаҳарликлар» таркиби 1,03 миллиард еврога баҳоланган. Кейинги ўринларда «Ливерпуль» (1,01 млрд евро) ва «Челси» (780 млн евро) бормоқда.

Қуйидаги энг қиммат Премьер Лига клублари топ-10 лиги билан танишинг:

1. «Манчестер Сити» — 1,03 миллиард евро
2. «Ливерпуль» — 1,01 млрд евро
3. «Челси» — 780 миллион евро
4. «Манчестер Юнайтед» — 721 млн евро
5. «Тоттенҳэм» — 681 млн евро
6. «Арсенал» — 549 млн евро
7. «Лестер» — 476 млн евро
8. «Эвертон» — 463 млн евро
9. «Вулверҳэмптон» — 412 млн евро
10. «Астон Вилла» — 380 млн евро

Англия чемпионатининг энг қиммат футболчилари рўйхати ҳам янгиланди. «Тоттенҳэм» ҳужумчиси Ҳарри Кейн (120 млн евро) энг қиммат ўйинчи бўлиб турибди. «Ливерпуль» форварди Муҳаммад Салоҳ 110 миллион еврога баҳоланиб, иккинчи поғонада қайд этилган. Кейинги ўринлардаги тўрт футболчи 100 миллион еврога баҳоланган.

Премьер Лиганинг энг қиммат футболчилари:

1. Ҳарри Кейн («Тоттенҳэм») — 120 млн евро
2. Муҳаммад Салоҳ («Ливерпуль») — 110 млн евро
3. Трент Александер Арнольд («Ливерпуль») — 100 млн евро
4. Раҳим Стерлинг («Манчестер Сити») — 100 млн евро
5. Садио Мане («Ливерпуль») — 100 млн евро
6. Кевин де Брюйне («Манчестер Сити») — 100 млн евро
7. Бруну Фернандеш («Манчестер Юнайтед») — 90 млн евро
8. Маркус Рэшфорд («Манчестер Юнайтед») — 85 млн евро
9. Сон Ҳён Мин («Тоттенҳэм») — 85 млн евро
10. Фил Фоден («Манчестер Сити») — 70 млн евро