"Эвертон" яримҳимоячиси Хамес Родригез клубнинг истиқболи ва мураббийи Карло Анчелотти ҳақида ўз фикрлари билан ўртоқлашди.

«Мен ўзимнинг кимлигимни аниқ биладиган мураббий билан ишлайман. У футболчилар ва ёрдамчилари билан қандай ишлаш, муомала қилишни билади. Худди ота ва ўғли каби. "Эвертон" "Реал" ва "Бавария" сингари энг яхши клублар билан таққосланадиган даражага эришиши мумкин.

Нега бундай бўлмаслиги керак? Сўнгги икки ўйин ҳам унчалик яхши бўлмади. Биз яхшиланишни истаймиз, аммо бу Премьер-лига. Ҳар бир учрашув финалга ўхшайди, жангга ўхшайди. Сиз яхши формада бўлишингиз шу билан бирга ҳар қандай нарсага руҳий тайёр бўлишингиз керак.

Мен ўзимнинг ўйин услубимдан мамнунман. Агар яхши формага кирсам, янада яхшироқ ишлай оламан деб ўйлайман. Мен ҳамиша юқори савияда ўйнашни хоҳлайман», дейди колумбиялик футболчи.

Маълумот учун, Хамес 2020/2021 йилги мавсум Премьер-лигада 18 учрашув ўтказиб, 5 гол ва 4 голли узатма муаллифига айланган.