Пауло Дибала ва Аарон Рэмзи сешанба куни "Ювентус" билан умумий гуруҳда машғулот ўтказишди.
Иккала футболчида ҳам 3 апрель куни бўлиб ўтадиган "Торино"га қарши дербида ўз жамоасига ёрдам беришга тайёр ҳолатда.
Дибала "Ювентус" сафида 10 январдан буён майдонга тушмаяпти. Боиси, футболчининг жароҳатдан тикланиши кечикди.
Рэмзи ҳам жароҳат сабаб Италия чемпионатида, Турин клубининг сўнгги икки учрашувини ўтказиб юборган эди.
Маълумот учун, айни пайтда "Ювентус" 55 очко жамғарган ҳолда, Италия А Серияси турнир жадвалининг учинчи поғонасида бормоқда.
