ЎФФ расмий Твиттерининг маълум қилишича, Ўзбекистон терма жамоаси Кувайтга 14 январь куни маҳаллий вақт билан 19:40да етиб борган. Айни пайтда делегациямиз Movenpick меҳмонхонасида истиқомат қилмоқда.

Кувайтдаги сафарнинг биринчи кунида футболчилар терма жамоа шифокорларидан сафар чарчоқларини қолдириш учун уқалаш муолажаларини олишган. Иккинчи кун терма аъзолари жисмоний ҳолатни қайта тиклашга ёрлам берадиган қумдаги машқларга зўр беришган. Фақатгина тушдан кейин майсали майдонда тўп билан ишлаш машқлари бошланган.

Хабарингиз бор, эртага вакилларимиз Кувайтга қарши ўртоқлик ўйинида майдонга тушишади.