«Челси» бош мураббийи Томас Тухел «Манчестер Сити» ҳужумчиси Серхио Агуэронинг сотиб олиниши мумкинлиги ҳақидаги хабарларга муносабат билдирди.

«Биз "Манчестер Сити"ни тўлиқ ҳурмат қиламиз. Шубҳасиз, Агуэро жаҳон даражасидаги футболчи. Аммо, биз "Манчестер Сити" билан учта турнирда, курашяпмиз.

Шунинг учун уларнинг ўйинчилари ҳақида гапирмайман», - дея Тухелнинг сўзларини келтиради журналист Фабрицио Романо.

Аввал хабар қилинганидек, аргентиналик футболчи «шаҳарликлар»ни мавсум охирида тарк этади. 32 ёшли футболчига «Барселона», «Ювентус» ва «ПСЖ» даъвогарлик қилмоқда .

Жорий мавсумда Агуэро ўз клубида барча мусобақаларда 14 ўйинда иштирок этди ва 3 голга муаллифлик қилди.