"Тоттенхэм" клубининг етакчи футболчиларидан бири Ҳарри Кейн фаолиятини Англиядан ташқарида синаб кўрмоқчи. Шу билан бирга, "шпорлар"рақибларини кучайтирмаслик учун Кейнни АПЛ клубларига сотмайди.
Маълумотларга қараганда, Кейн Каталониянинг "Барселона" клубида ўйнашни хоҳламоқда. Шунингдек, "кўк-анорранглилар" ҳам футболчи ҳақида ижобий фикрда. Клуб унинг тажрибасига ишонади ва Холандни қўлга кирита олмаган тақдирда Кейн вариантини ҳам кўриб чиқиши мумкин.
Эслатиб ўтамиз, англиялик ҳужумчи ушбу мавсум Премьер-Лигада 27 ўйин ўтказиб, 17 та гол ва 13 та ассистни ўз ҳисобига ёзиб қўйди.
