Катта бокс оқшомининг яна бир жангида Баҳодир Жалолов Кристапс Зуицга қарши рингга кўтарилди ва рақибини нокаут эвазига мағлуб этди. Шундан сўнг, боксчимиз жанг ҳақида фикрлари билан ўртоқлашди.
"Худога шукур дейман. Халқимиз олдида юзимиз ёруғ бўлди. Бундан кейинги мақсадларимиз бунданда катта. Олдинда Олимпиада ўйинлари турибди. Биз қўлдан келганча ҳаракат қиламиз ва олтин медаллар учун рингга кўтариламиз. Ҳали бу бошланиши".
- Рақибингизнинг ўзи сизнинг қўлингизни кўтарди, бунга нима дейсиз?
"Албатта, унинг ўзи мени ҳурмат қилишини ва жангларимни кузатиб боришини айтди. Мен ҳам рақибимга чиройли бокс кўрсатгани учун миннатдорчилигимни билдирмоқчиман. Чунки, айрим оғир вазнли боксчилар ўзини ёмон тутади. Бу рақибим эса рингдан ҳурмат билан чиқиб кетди ва унинг ҳам келгусидаги ишларига омад тилайман".
- Ушбу ғалабангизни кимга бағишлайсиз?
"Мен ушбу ғалабамни онамга бағишлайман ва юртбошимиз Шавкат Миромоновичга. Чунки, бизга жуда яхши шароитлар яратилиб берилди. Ҳатто, Америкада бунақа даражада ўтмайди бундай кечалар. Ҳозир америкалик устозларимни бу атмосферани кўриб оғзи очилиб қолган. Мен бундан жуда ҳам ҳурсанд бўлдим. Худо хоҳласа Ўзбекистон келажаги буюк давлат ва биз бу учун қўлимиздан келган барча ишни қиламиз".
