ПСЖ ҳужумчиси Киллиан Мбаппе «Бавария» ҳужумчиси Роберт Левандовскининг жароҳати ҳақида фикр билдирди.
«Левандовски ажойиб футболчи. Бундай ўйинлар унинг йўқлиги биз учун яхши янгилик. Гарчи мен бошқаларнинг жароҳатларидан мамнун бўлмасам ҳам»,–дейди франциялик ёш иқтидор эгаси.
Маълумот ўрнида, Мюнхен клуби етакчиси бу мавсум «Бавария» таркибида 32 ўйин ўтказиб, 40 гол уришга муваффақ бўлган.
Француз клуби етакчиси эса ПСЖ билан 36 учрашув ўтказган. Унинг ҳисобида 30 гол мавжуд.
Эслатиб ўтамиз, ПСЖ ҳамда «Бавария» ўртасидаги ЕЧЛ чорак финали ўйинлари 7 ва 13 апрель кунлари бўлиб ўтади.
