Испания Ла Лигасининг 29-турида «Барселона» 5 апрель, душанба ўз майдонида «Вальядолид»ни қабул қилди.

Ўйин давомида мезбонлар кўплаб вазиятларни яратишди, аммо уларни голга айлантиришда жамоага омад етишмади. Жумладан, Педрининг олис масофадан йўллаган зарбасидан сўнг тўп устунга тегиб қайтди.

Баҳснинг 79-дақиқасида "Вальядолид" футболчиси Плано Дембеленинг юзига тепиб юборгани учун майдондан четлатилди.

Учрашув тақдирини ҳал қилиб берган ягона гол эса учрашувнинг сўнгги дақиқасида Усмон Дембеле томонидан киритилди. Шу тариқа «Барселона» ўз майдонида қийин ғалабага эришган ҳолда пешқадам «Атлетико» билан орадаги фарқни бир очкога қисқартирди.

Мазкур ғалабадан кейин «Барселона»нинг очколари 65 тага етди. Жамоа мусобақа жадвалида «Атлетико»дан кейин иккинчи ўринда. Учинчи ўриндаги «Реал»нинг ҳисобида 63 очко бор. «Вальядолид» эса (27) 16-поғонани банд этган.

Ла лига, 29-тур
5 апрель, душанба
«Барселона» — «Вальядолид» 1:0
Гол: 1:0 – 90 Дембеле.
«Барселона»: тер Стеген, Дест (Пуч, 87), Мингеса (Араухо, 63), Лангле, Альба, Бускетс (Брэйтуэйт, 64), де Йонг, Педри (Мориба, 77), Дембеле, Гризманн (Тринкау, 63), Месси.
«Вальядолид»: Масип, Начо Мартинес, Бруно Гонсалес, Оласа, Янко (Эрвиас, 65), Меса, Алкарас, Плано, Санчес, Гвардиола (Маркос Андре, 77), Кодро (Валдо Рубио, 85).
Огоҳлантиришлар: Гризманн (28), Бруно Гонсалес (40), Мингеса (43), Гвардиола (73), Масип (80), Брэйтуэйт (84).
Четлатиш: Плано (79).