Ўзбекистоннинг амалдаги чемпиони – "Бунёдкор" ФК бош мураббийи Миржалол Қосимов "Dubai Matchworld Cup 2012" турнири олдидлан ташкил этилган матбуот анжуманида иштирок этди.
- Аввало турнирга таклиф қилганларингиз учун ташаккур билдираман, - деди ""Бунёдкор" ФК бош мураббийи. – Бу мусобақа бошланаётган янги мавсумга яхшироқ тайёрланиш имкониятини яратади. Биз ҳам худди "Зенит" сингари қитъа Чемпионлар лигасида қатнашиш ва мамлакат чемпионатининг янги мавсуми учун тайёгарлик олиб бормоқдамиз. Мен "Зенит" ўйинларини мунтазам кузатаман, шунингдек, Россиянинг нимчорак финалга йўл олган иккинчи жамоаси – ЦСКАнинг ҳам, шунингдек "Ростов" клубининг ўйинларини ҳам назардан қочирмайман. Дубайда ўтаётган бу турнирнинг барча иштирокчиларига омад тилайман, уларга бошқа мусобақаларида ҳам зафарлар ёр бўлишини исайтаман.
"Бунёдкор" бош мураббийига савол берилди:
- Сиз Россия чемпионатида муваффақиятли тўп сургансиз. Россия чемпионатининг ҳозирги аҳволи ҳақида қандай фикрдасиз? Россияга мураббий сифатида қайтиш ҳақида ўйлаб кўрмадингизми?
- Россия футболи савияси жуда юқори. "Зенит" ва ЦСКАнинг Европа Чемпионлар лигаси нимчорак финалига йўл олган 16 жамоа ичида бўлиши, Россия терма жамоасининг Евро-2012 финал босқичига қийналмасдан чиққани ҳам бундан далолат бериб турибди. Россия кўз-баҳор тизимига ўтмоқда. Агар майдонларнинг сифати яхшиланса бу ўзгариш албатта ў мевасини беради. Россияга мураббий сифатида боришим масаласига тўхталсам, ҳозирча мен "Бунёдкор"да бош мураббийман", - деди Миржалол Қосимов.
