ПСЖ сардори Маркиньос Чемпионлар Лигаси 1/4 финалидан ўрин олган «Бавария»га қарши баҳсни ўтказиб юборади.
26 ёшли ҳимоячи 7 апрель куни Мюнхенда ўтказилган илк учрашувда олган жароҳати туфайли парижликларнинг бугунги машғулотларида ҳам иштирок эта олмади.
Бразилиялик ўша ўйиннинг 28-дақиқасида гол урган бўлса-да, 30-дақиқада майдонни тарк этган ва унинг ўрнини Андер Эррера эгаллаганди.
«Бавария» билан бўлган илк учрашувни дисквалификация сабабли ўтказиб юборган ярим ҳимоячи Леандро Паредес ПСЖ сафига қайтиши мумкин.
Шунингдек, хавбек Марко Вератти ва ҳимоячи Алессандро Флоренци коронавирусдан тузалиб таркибга қайтишгани маълум бўлди.
