«Реал Мадрид» ҳимоячиси Эдер Милитао ёзда жамоани тарк этиши мумкин.
Goal хабарига кўра, «қаймоқранглилар» бразилиялик футболчини сақлаб қолмоқчи, аммо Милитаонинг ўзи июль ойида бошқа клубларнинг таклифларини кўриб чиқишга тайёр.
Ҳимоячи клубдаги мавқеидан қониқмайди, у кўпроқ ўйин амалиётига эга бўлишни истайди. «Реал Мадрид» раҳбарияти Эдернинг келажакда клубнинг асосий ўйинчисига айланишига қодир эканига аминлигича қолмоқда.
23 ёшли бразилиялик футболчи ушбу мавсумда Мадрид клуби таркибида, барча турнирларда атиги ўнта ўйинда майдонга тушган ва 1 гол урган. Милитаонинг Испан клуби билан шартномаси 2025 йил 30 июньгача амал қилади.
