«ПСЖ» ҳужумчиси Неймар тез орада клуб билан янги шартнома имзолаши ҳақида хабар берган эдик.
Журналист Фабрицио Романо берган маълумотларга кўра бразилиялик юлдуз парижликлар билан 2026 йил июнгача мўлжалланган битим борасида келишиб олган. Унинг шартларига кўра, Неймар Чемпионлар Лигасида ғалаба қозонгани учун «катта бонус» олиш ҳуқуқига эга бўлади.
29 ёшли ҳужумчининг ўзига қолса унга ПСЖда қолиш варианти маъқул. Чунки у сўнгги пайтларда жамоанинг ютуқларидан мамнунлигини яшириб ўтирмаяпти.
Маълумот учун, Неймар 2017 йил ёзидан буён француз клубида ўйнаб келади.
