"Арсенал" бош мураббийи Арсен Венгер Англия премьер-лигаси 22-тур доирасида бўлиб ўтадиган "Манчестер Юнайтед"га қарши учрашув ҳақида ўз фикрлари билан ўртоқлашди. Венгер кетма-кет икки мағлубиятдан сўнг, навбатдаги ўйинни ғалабали одимга қайтиб олиш учун яхши имконият сифатида баҳолади.
"Уйғонадиган ва барча имкониятларни ишга соладиган вақт келди. Бу ишни айнан "Манчестер Юнайтед"га қарши амалга ошириш учун бизда барча имкониятлар бор".
"Бу ўйин ўзимизни ўнглаб олишимиз учун имконият. Ахир биз сўнгги икки ўйинда олти очко йўқоттик. Бунақаси бошқа такрорланмаслиги лозим", — дейди Венгер.
Эслатиб ўтамиз, чемпионатнинг биринчи ярмида, "Олд Траффорд"да бўлиб ўтган жамоаларнинг ўзаро ўйинларида "Арсенал" 2:8 ҳисобида мағлубиятга учраганди.
