«Манчестер Сити» Европа Чемпионлар Лигаси чорак финалида Дортмунднинг «Боруссия» клубини икки ўйинда ҳам бир хил, 2:1 ҳисобида мағлубиятга учратган ҳолда ярим финал йўлланмасини қўлга киритди.
Бу «шаҳарликлар» устози Пеп Гвардиола учун мураббийлик фаолияти давомида ЕЧЛдаги 8-ярим финал бўлади. Ушбу кўрсаткич бўйича испаниялик мутахассис айни пайтда «Тоттенҳем»ни бошқараётган Жозе Моуриньо рекордини такрорлади.
Гвардиола фаолиятида илк бор ЕЧЛнинг 2008/2009 йилги мавсумида «Барселона» билан ярим финалга чиққан.
«Манчестер Сити» ярим финалда ПСЖ билан беллашади.
