Мадриднинг «Реал» клуби ҳужумчиси Лука Йович мавсум якунида «Қироллик клуби»га қайтади. Бу ҳақда футболчининг севгилиси София Милошевич айтиб ўтди. Унга кўра, у ва Лука бир неча ойдан сўнг Франкфуртдан жўнаб кетишади.
Йович ҳозирда Франкфуртнинг «Айнтрахт» жамоасида ижарада. Немисларда футболчини тўлиқ сотиб олиш имконияти йўқ ва «Реал» билан музокара ўтказишни режалаштирмаяпти ҳам.
«Қаймоқранглилар» эса ҳали футболчи борасида бир қарорга келишгани йўқ. «Бланкос» сербни трансферга қўйиши ҳам истисно қилинмайди. 23 ёшли ҳужумчига «Милан» каби кўплаб йирик жамоалар қизиқиш билдиришмоқда.
