Англия кубоги мусобақасида дастлабки финалчи номи маълум бўлди. «Челси» ярим финал босқичида «Манчестер Сити» билан тўқнаш келиб, кичик ҳисобда ғалаба қозонди.

Учрашув тақдирини Ҳаким Зиёш ҳал қилди. У 55-дақиқада Тимо Вернер томонидан етказилган узатмани аниқ зарба билан дарвозага жойлаб қўйди.

«Челси» финалда «Лестер» — «Саутгемптон» жуфтлиги ғолиби билан тўқнаш келади.

«Челси» кетма-кет иккинчи марта Англия кубоги финалида ўйнайдиган бўлди. Жамоа ўтган йили «Арсенал»га ютқазган эди (1:2).

Англия кубоги, ярим финал
Челси – Манчестер Сити 1:0 (0:0, 1:0)
Гол: 1:0 – 55 Зиеш.
Челси – Аррисабалага, Чилуэлл, Рюдигер, Аспиликуэта, Жеймс, Маунт (Пулишич, 70), Канте, Зиеш (Эмерсон, 79), Жоржиньо, Тиаго Силва (Зума, 88), Вернер (Хавертц, 79).
Манчестер Сити – Стеффен, Рубен Диаш, Менди, Лапорт, Жоау Канселу, Родри, Фернандиньо, Стерлинг, де Брюйне (Фоден, 48), Ферран Торрес (Гюндоган, 64), Габриэл Жезус.
Огоҳлантиришлар: Жеймс (34), Фернандиньо (63), Аспиликуэта (90), Лапорт (90), Рубен Диаш (90).