Римнинг "Рома" клуби бош директори Франко Бальдини жамоа бош мураббийи Луис Энрикега янги шартнома таклиф этилганлигини маълум қилди.
"Биз бошидаёқ у билан узоқ муддатли шартнома тузиш ниятида эдик, аммо мураббий итальян футболига кўникиб кетиш учун бироз вақт сўраган эди. Бугунга келиб биз Луис Энрикенинг олиб бораётган ишидан тўлиқ қаноат ҳосил қилаяпмиз. Шунинг учун унга янги шартнома таклиф қилдик", - дейди Бальдини.
Шунингдек, "Рома" раҳбарияти жамоа вице-сардори Даниеле де Росси билан ҳам янги шатрнома борасида деярли келишувга эришганлигини айтиб ўтишди.
Эсингизда бўлса, де Росси янги ўз шартномасини узайтириш ёки узайтирмаслигини ўйлаб кўриши учун бироз вақт кераклигини айтган эди.