Испания чемпионатининг 31-тури доирасида «Реал» сафарда «Кадис» билан рўбару келди. "Рамон де Карранса" ўйингоҳида кечган баҳс меҳмонларнинг йирик, 3:0 ҳисобидаги ғалабаси билан ниҳояланди.

Учрашувда Бензема дублга эришган бўлса, Одриосола мадридликлар сафидаги дебют голини тантана қилди.

Шу тариқа, бугунги ўйиндан сўнг, «Реал» 70 очко жамғарган ҳолда, пешқадам «Атлетико»га етиб олди ва ўзаро ўйинлар натижасига кўра 1-ўринга жойлашди. Бугунгача, 36 очко йиғган «Кадис» эса ўн учинчи поғонада қолди.

«Кадис» – «Реал Мадрид» 0:3 (0:3, 0:0) «Рамон де Карранса»

Голлар: 0:1 – 30, пенальти Бензема, 0:2 – 33 Одриосола, 0:3 – 40 Бензема.

«Кадис» – Ледесма, Фали Хименес, Эспино (Алехо, 65), Карселен (Акапо, 46), Маркос Мауро, Искьердо, Хосе Мари (Кала, 46), Йонссон, Сальви Санчес (Лосано, 46), Негредо (Шапонич, 46), Собрино.

«Реал Мадрид» – Куртуа, Одриосола (Иско, 61), Начо, Варан (Карвахаль, 61), Марсело (Мигель Гутьеррес, 74), Родриго, Антонио Бланко, Винисиус Жуниор (Асенсио, 61), Каземиро, Милитао, Бензема (Мариано Диас, 74).

Огоҳлантиришлар:
Сальви Санчес (8), Варан (22), Карселен (29), Йонссон (41), Начо (46), Марсело (68), Акапо (90).