«Барселона» бош мураббийи Рональд Куман Европа Суперлигаси ҳақида фикр билдирди.
«Ҳозир барчанинг фикри чалкашиб кетган. Одамлар тўғри ва нотўғри маълумотларни фарқлай олмаяптилар. Суперлигаси ғояси танқид қилиняпти, бир қадам ортга чекинишга ҳам мажбур бўлди.
Энди УЕФА бу вазиятдан унумли фойдаланиб қолиши керак, катта саҳнага чиқиши лозим. Ўзи истаётган нарсани амалга оширсин энди. Вақт оз қолган. Ҳамма нарса тезда тартибга солиниши шарт.
Бироқ УЕФА кўп гапиради, уни ҳамма гапларини ҳам эшитиш шартмас. Раҳбарлар мураббий ва футболчиларнинг фикри билан қизиқиши керак. Кейин шунга кўра қарор чиқарилса яхши бўларди.
Чунки олдинда ҳаммани энг тиғиз тақвим кутяпти. Бу ерда пулни биринчи ўринга қўймаслик керак», - дейди Куман.
