Италиялик мутахассис Маурицио Сарри бугун Лондонга "Тоттенхэм" клуби билан музокаралар ўтказиш учун етиб келди, дея хабар бермоқда "Football Italia" нашри.
Яқинда "шпорлар" португалиялик Жозе Моуриньони ўз лавозимидан озод этган эди. Манбанинг хабар беришича, Сарри унинг ўрнини эгаллша учун асосий номзод ҳисобланади.
Шунингдек, 62 ёшли мураббийнинг агенти Фали Рамадани ўз мижозини келажаги борасида Лондон клуби раҳбарияти билан аллақачон суҳбатлашган.
Эслатиб ўтамиз, Саррига айни дам Италиянинг бир қатор гранд клубларидан ҳам таклифлар келиб тушмоқда.
