«Манчестер Сити» ва Белгия терма жамоаси яримҳимоячиси Кевин Де Брюйненинг жароҳати аввал ўйлагандан енгилроқ.

Белгиялик катта эҳтимол билан «шаҳарликлар»га Чемпионлар Лигаси 1/2 финалининг биринчи ўйинида ёрдам бера олади.

Эслатиб ўтамиз, Де Бруйне Англия кубоги ярим финалининг «Челси»га қарши ўйинда жароҳат олиб, майдонни муддатидан олдин тарк этган эди.

«Жароҳат биз кутгандек жиддий эмас ва у ўзини анча яхши ҳис қилмоқда. Унинг кейинги машғулот пайтида қандай ишлашини кўрамиз. Эҳтимол, у Чемпионлар Лигаси ярим финалига тайёр бўлиши мумкин», - дейди Хосеп Гвардиола.

2020/2021 йилги мавсумда ярим ҳимоячи клуб билан барча турнирларда 35 учрашувда майдонга тушиб,8 гол ва 16 голли узатма муаллифига айланган.