Бугун якунига етган Ўзбекистон Кубоги 1-туридан ўрин олган "Хоразм" - "Қизилқум" (1:4) учрашувидан кейин меҳмонлар бош мураббийи Ҳамиджон Актамов ўз фикрларини билдирди.
"Ўйиндан кўнглим тўлди. Иккала жамоа ҳам ғалаба учун курашди. Бахтимизга майдон сунъийлиги панд бермади. Шунга қарамай биз ҳам, мезбонлар ҳам ҳужумлар уюштиришди.
Бугунги ғалаба билан мухлисларимизни табриклайман. "Хоразм"га кейинги баҳсларда омад тилайман, ўйлайманки насиб қилса "Хоразм" билан Суперлигада кўришамиз.
Хоразмга футбол керак, шунча мухлис стадиондан қўллаб турди. Келгуси йил Суперлигага чиқишига тилакдошман", - дейди Ҳамиджон Актамов.
